«Լիվերպուլի» գլխավոր մարզիչ Յուրգեն Կլոպը «Մանչեսթեր Յունայթեդի» նկատմամբ 7:0 հաշվով հաղթանակը «կատարյալ» է անվանել։
«Լիվերպուլը» 7 – 0 հաշվով թարմացրեց իր ռեկորդը «Յունայթեդի» հետ հանդիպումներում, նախորդ ռեկորդը «Լիվերպուլը» սահմանել էր 1895 թվականի հոկտեմբերին 7-1 հաշվով ջախջախելով «կարմիր սատանաներին»։
Կլոպը վերջնական հաշիվը «աննորմալ» է համարում, բայց չափազանց գոհ է իր թիմի խաղից:
«Խոսքեր չունեմ, հետաքրքիր ֆուտբոլային խաղ էր»:
«Մենք բարձր մակարդակի ֆուտբոլ խաղացինք լավ մարզավիճակում գտնվող թիմի դեմ: Առաջին խաղակեսը մի փոքր վայրի էր և ոչ այն, ինչ մենք ցանկանում էինք, բայց հետո մենք անհավանական գոլ խփեցինք: Ինչպիսի փոխանցում և ինչպիսի հարված»:
«Մենք բավականին լավ սկսեցինք երկրորդ խաղակեսը, ամեն ինչ բավականին լավ էր: «Յունայթեդը» սուպեր սեզոն է անցկացնում, մինչդեռ մենք դժգույն ենք այս մրցաշրջանում, բայց դա ոչինչ չի նշանակում նման խաղում»:
«Սրանք կարևոր երեք միավորներ են: Կարևոր է, որ մենք իսկապես դրսևորեցինք մեզ: Բոլորը խաղացին ամենաբարձր մակարդակով»:
«Դեռ շատ խաղեր կան խաղալու: Սա կատարյալ հանդիպում էր: Մենք ցանկանում էինք փորձել և արեցինք դա: Մենք դեռ մոտ ենք լավագույն 4-ին, և այսօր լավ ցուցադրեցինք, թե ինչ կարող ենք անել»:
«Մենք չխոսեցինք հաշվի մասին, մենք խոսեցինք միայն խաղի մասին, մենք պետք է համոզվեինք, որ պատրաստ ենք»:
«Հուսով եմ, որ 10 տարի հետո մեկ այլ մարզիչ կգերազանցի այս արդյունքը, բայց առայժմ սա աներևակայելի յուրահատուկ բան է: Սա պատմության համար է, ոչ թե ներկա պահի համար: Մենք բոլոր դրական կողմերը կնշենք, բացի հաշիվից, քանի որ այն անհավանական է: »,- Կլոպին է մեջբերում Daily Mail-ը։
