«Մանչեսթեր Սիթիի» կիսապաշտպան Քևին Դե Բրույնեն կարծում է, որ սա Պրեմիեր լիգայի վերջին տարիների ամենադժվար մրցաշրջանն է։
Նախորդ տարիներին «Սիթին» գերիշխում էր Պրեմիեր լիգայում՝ միայնակ կամ «Լիվերպուլի» հետ միասին: Այս մրցաշրջանը բոլորովին այլ ընթացք է ստացել։
Այս մրցաշրջանում ակնհայտ ֆավորիտ չկա, և «քաղաքայիները» Պրեմիեր լիգայում միայն երկրորդն են՝ առաջատար «Արսենալից» հետ մնալով հինգ միավորով:
Դե Բրույնեն իրերի այս վիճակը պայմանավորում է միջակ թիմերի մակարդակի բարձրացմամբ։ Պրեմիեր լիգայում միավորներ վաստակելը դարձել է ավելի դժվար, քան երբևէ:
«Կարծում եմ, որ առաջնությունը մի փոքր փոխվել է, միջակ թիմերը հնարավորություն ունեն ավելի շատ գումար ծախսել և ավելի լավ խաղացողներ գնել»:
«Ինձ թվում է, որ բոլոր 20 թիմերն էլ այդքան մեծ վարպետություն ունեն, և նրանց բոլորին հաղթելն ավելի ու ավելի դժվար է դառնում: Մենք առաջնությունում երկրորդն ենք, մասնակցում ենք երեք մրցաշարերի, ուստի ես չէի ասի, որ մեր մրցաշրջանը շատ է տարբերվում նախորդներից»,- Դե Բրույնեի խոսքերն է մեջբերում Daily Mirror-ը։
