«Նյուքասլը» պաշտոնապես հաստատել է, որ Սելան դարձել է ակումբի նոր տիտղոսային հովանավորը:
«Նյուքասլի» նախորդ տիտղոսային հովանավորը Fun888-ն էր, որի հետ ունեցած պայամանգիրը կնքվել էր 2017 թվականին տարեկան 6,5 միլիոն ֆունտ ստեռլինգի դիմաց:
Այնուամենայնիվ, «Նյուքասլի» զգալի առաջընթացը նոր սեփականատիրոջ ներքո ստիպեց ակումբին խզել պայմանագիրը Fun888-ի հետ և գտնել ավելի առատաձեռն հովանավոր:
«Նյուքասլի» մարզաշապիկներին այժմ կլինի Սելա կրծքանշանը, որը Չեմպիոնների լիգային որակավորված «կաչաղակներին» կվճարկ տարեկան մոտ 25 մլն ֆունտ: Այս պայմանագիրը նախատեսված է մի քանի տարով։
Ինչպես «Նյուքասլի» սեփականատերերը, Սելան նույնպես հիմնադրված է Սաուդյան Արաբիայում, սակայն գործում է տարբեր երկրներում՝ կազմակերպելով տարբեր սպորտային և ժամանցային միջոցառումներ։
Միևնույն ժամանակ, «Նյուքասլը» ներկայացրել է 2023/24 մրցաշրջանի իր նոր տնային համազգեստը՝ Castore սպորտային հագուստի ապրանքանիշից:
