Այսօր առավոտյան միանգամից մի քանի անգլիական պարբերականներ հայտնեցին «Արսենալի» գլխավոր մարզիչ Արսեն Վենգերի և թիմի ֆուտբոլիստների միջև եղած տարաձայնության մասին: Լուրերի համաձայն Վենգերը խնդիրներ ունի ոչ միայն իր օգնական Սթիվ Բոուլդի, այլ նաև մազրչական շտաբի և ֆուտբոլիստների հետ:
Լիգայի գավաթի ¼ եզրափակչից դուրս մնալուց հետո Վենգերը իր աջակցությունը հայտնեց ֆուտբոլիստներին, սակայն ինչպես պարզ է դառնում ֆուտբոլիստների պատասխանը միանշանակ չէր:
Օրինակ Լուկաս Պոդոլսկին հոգնել է խաղալ ձախ վինգերի դիրքում և ցանկանում է հանդես գալ որպես առաջ քաշված հարձակվող:
Իր դիրքից գոհ չէ նաև «զինագործների» մյուս նորեկ Սանտի Կազորլան: Ֆուտբոլիստների մեծ մասը համոզված է, որ Վենգերը Կազորլային կարող է ավելի էֆեկտիվորեն օգտագործել: Daily Mirorr-ի հաղորդմամբ ակումբը անգամ դիմել է Վենգերին` փոխել իր ոճը:
Այս թեման շարունակում է The Telegraph-ը՝ հաղորդելով Վենգերի և իր օգնական Սթիվ Բոուլդի միջև եղած տարաձայնության մասին: Հաղորդվում է, որ Վենգերը ամբողջությամբ վերահսկում է թիմի մարզումները և Բոուլդին չի տալիս գործողությունների ազատություն:
-Սէր Ալեքս Ֆերգյուսոնը հրավիրել է լավագույն մարզիչներին, որպեսզի առավելագույնը ստանան ֆուտբոլիստներից: Նա անում է այնպես, որ իր օգնականը միայն գլուխը կախ չանի և համաձայնվի, ինչպես Արսեն Վենգերի պարագայում է:
Արսեն Վենգերի մոտ շատ է այդ ամենը, նա դիկտատոր է: Երբ խոսքը գնում է «Արսենալի» մասին, նա թույլ չի տալիս Բոուլդին ինչ որ բան անել,- հայտնել է «Արսենալի» նախկին կիսապաշտպան Սթյուարտ Ռոբսոնը:
