«Արսենալի» գլխավոր մարզիչ Արսեն Վենգերը հաստատել է, որ իր ակումբը շուտով ավարտին կհասցնի «Նիցցայի» և Կոլումբիայի ազգային հավաքականի դարպասապահ Դավիդ Օսպինայի տրանսֆերը:
«Զինագործներն» արդեն համաձայնվել են 25-ամյա Օսպինայի համար վճարել 3.2 մլն ֆունտ: Առաջիկա օրերի ընթացքում Դավիդը պայմանագիր կստորագրի լոնդոնյան ակումբի հետ:
Վենգերի խոսքերով, կոլումբիացին կմեծացնի մրցակցությունը դարպասապահի դիրքում և անգամ կարող է դառնալ «Արսենալի» առաջին համարը:
-Դուք գիտեք, որ մրցաշրջանի մեկնարկին Շեսնին կլինի առաջին համար, սակայն հետո ամեն ինչ կախված կլինի խաղերից, և եթե Օսպինան ցույց տա, որ ինքն ավելի լավն է, ապա նա կխաղա,- ասել է Վենգերը: ESPN
