«Վեստ Հեմ Յունայթեդը» պատրաստվում է առաջարկություն անել «Աստոն Վիլլայի» կիսապաշտպան Ֆաբիան Դելֆի համար: Այս մասին հաղորդում է Daily Mirror-ը:
24-ամյա անգլիացին «Վիլլա Պարկ» է տեղափոխվել 2009թ-ին «Լիդսից», սակայն բիրմինգհեմյան ակումբում իր ողջ պոտենցիալը ցույց է տվել նախորդ մրցաշրջանում: Դելֆն իր տպավորիչ խաղով հայտնվել է «Վեստ Հեմի» գլխավոր մարզիչ Սեմ Էլլարդայսի ուշադրության կենտրոնում, ով այս ամռանը զբաղված է թիմի մասշտաբային թարմացմամբ:
Աղբյուրի հաղորդմամբ, լոնդոնցիները Ֆաբիանին գնահատում են 5 մլն ֆունտ և պատրաստվում են պաշտոնական առաջարկ անել: Հավանական է, որ «Աստոն Վիլլան» կմերժի «Վեստ Հեմի» առաջին առաջարկը:
