«Մանչեսթեր Յունայթեդի» գլխավոր մարզիչը հաստատել է, որ Անտոնիի ստացած վնասվածքը «Չելսիի» դեմ խաղում լուրջ է։
Հինգշաբթի երեկոյան «Չելսիի» նկատմամբ 4-1 հաշվով հաղթանակը ուներ նաև իր վատ կողմերը, «Յունայթեդի» երկու կարևոր խաղացողներ վնասվածքներ ստացան: Խոսքը ոչ միայն Անտոնիի, այլ նաև պաշտպան Լյուկ Շոուի մասին է:
Հատկապես տագնապալի է Անտոնիի հետ կապված իրավիճակը, ով Օլդ Թրաֆորդից հեռացվեց պատգարակով։ 23 ամյա բրազիլացին մեծ հավանականությամբ բաց կթողնի Անգլիայի գավաթի եզրափակիչը «Մանչեսթեր Սիթիի» դեմ հունիսի 3-ին:
«Հանդիպումից հետո դժվար է ասել, բայց այո, Անտոնիի վնասվածքը լուրջ է: Լյուկի առողջականի մասին տեղեկություն ստանալու համար պետք է սպասել, չեմ կարծում, որ դա շատ լուրջ վնասվածք է, բայց մենք պետք է սպասենք 24 ժամ»:
«Ես վստահ չեմ Անտոնիի հարցում: Բոլորն էլ տեսել են նրա փոխարինումը: Կարող եմ ասել, որ դա լուրջ է, բայց մենք պետք է սպասենք առնվազն 24 ժամ, և հետո, հավանաբար, ավելի շատ տեղեկություն կունենանք վնասվածքի ծանրության վերաբերյալ», – Տեն Հագի խոսքերը մեջբերել է United-ի պաշտոնական կայքը:
