Պրեմիեր Լիգայի 2֊րդ տուրի կենտրոնական հանդիպումը կայացավ «Ուեմբլի» մարզադաշտում, ուր լոնդոնյան դերբիում միմյանց էին հանդիպել «Տոտտենհեմը» և «Չելսին»։
Դիտարժան և գերլարված խաղում 1-2 հաշվով հաղթանակ տարան «ազնվականները»։ Հանդիպման հաշիվը 24֊րդ րոպեին տուգանային հարվածից բացեց Մարկոս Ալոնսոն։ Բաց թողած գոլից հետո դաշտի տերերը նախաձեռնությունը վերցրին իրենց ձեռքը։ 82֊րդ րոպեին Քրիստիան Էրիկսենի փոխանցումից հետո գնդակը սեփական թիմի դարպասն ուղարկեց փոխարինման դուրս եկած Միշի Բատշուաին։ Սակայն այս գոլն էլ «Տոտտենհեմին» չօգնեց միավոր վաստակել այս խաղում։ 88-րդ րոպեին դուբլի հեղինակ դարձավ Ալոնսոն՝ ընթացիկ մրցաշրջանում առաջին հաղթանակը բերելով «Չելսիին»։
Գոլեր․ Ալոնսո՝ 24ր, 88ր, Բատշուաի՝ 82ր (ինքն․)։
