«Տոտտենհեմի» հարձակվող Հարի Քեյնը և «Վեստ Բրոմվիչի» գլխավոր մարզիչ Տոնի Պյուլիսը ճանաչվել են Պրեմիեր Լիգայի փետրվար ամսվա լավագույն ֆուտբոլիստ և լավագույն մարզիչ, համապատասխանաբար։
21-ամյա Քեյնն այս մրցանակը երկրորդ ամիսն անընդմեջ է ստանում: Նախկինում նման հաջողության հասել են միայն Դենիս Բերգկամբը, Կրիշտիանու Ռոնալդուն և Ռոբի Ֆաուլերը:
Փետրվարին Հարին աչքի է ընկել չորս գոլով՝ այդ թվում հյուսիսլոնդոնյան դերբիում «Արսենալի» դարպասն ուղարկած երկու գոլը:
Ինչ վերաբերվում է Պյուլիսին, ապա նրա տեղափոխությունը նոր կյանք հաղորդեց «Վեստ Բրոմվիչին», և իր թիմը նախորդ ամիս առանց պարտության անցկացրեց՝ 12 հնարավորից հավաքելով 8 միավոր: Տոնին մոտ է թիմը Պրեմիեր Լիգայում պահելու իր առաջադրանքի կատարմանը: