«ՊՍՎ»-ի և Հոլանդիայի ազգային հավաքականի կիսապաշտպան Քևին Ստրոտմանը ցանկություն է հայտնել տեղափոխվել անգլիական Պրեմիեր Լիգա:
Ստրոտմանի ծառայություններով եվրոպական շատ ակումբներ են հետաքրքրված: Սակայն 23-ամյա ֆուտբոլիստը նախընտրում է Անգլիան:
-Նա ցանկանում է տեղափոխվել Անգլիա, քանի որ այդ առաջնությունը հարմար է նրա խաղաոճին: Նա ունի պահանջվող բոլոր ֆիզիկական տվյալները և վարպետությունը,- հայտնել է ֆուտբոլիստի գործակալ Հիլ Դեկերը:
Sky Sports-ի հաղորդմամբ, Եվրոպայի երիտասարդական առաջնությունում Ստրոտմանին հետևում էր «Մանչեսթեր Յունայթեդի» սկաուտ Ջիմ Լոուլորը, սակայն «մանկունյանցիների» գլխավոր մարզիչ Դևիդ Մոյեսը դեռ չի հայտնել՝ արդյոք իրենց պետք է Քևինը: