«Տոտտենհեմի» գործադիր տնօրեն Ֆաբիո Պարատիչիին սպառնում է ձերբակալություն իր հայրենիք՝ Իտալիայում՝ «Յուվենտուսի» սկանդալի պատճառով:
Անցած երկուշաբթի «Յուվենտուսի» ամբողջական տնօրենների խորհուրդը հրաժարական տվեց, ինչը կապված է ֆինանսական խարդախության հետ, որում կասկածվում է իտալական ակումբի ղեկավարությունը։
Կասկածյալների թվում է Պարատիչին, ով աշխատել է Թուրինում 2000-ից 2021 թվականներին և վերջերս օգնել է «Յուվենտուսի» նախկին մարզիչ Անտոնիո Կոնտեին տեղափոխվել «Տոտտենհեմ»:
Ըստ Gazzetta dello Sport-ի և մի շարք այլ իտալական հրապարակումների, Ֆաբիոն այն մարդկանց թվում է, ում ձերբակալման օրդերը պատրաստվում է տալ դատախազությունը։ «Շպորների» 50 ամյա տնօրենի նկատմամբ հետաքննությունն արդեն ընթանում է։
Եթե Պարատիչին իսկապես կալանավորվի, դա կարող է մեծ ազդեցություն ունենալ հունվարին «Տոտտենհեմի» տրանսֆերային գործունեության վրա, քանի որ Ֆաբիոն նա է, ով պոտենցիալ ձեռքբերումներ է գտնում Կոնտեի համար և բանակցում նրանց հետ:
