«Նոթինգհեմ Ֆորեսթը» հայտարարել է «Վուլվերհեմփթոնի» կիսապաշտպան Մորգան Գիբս-Ուայթին 42,5 միլիոն ֆունտ ստեռլինգով ձեռք բերելու մասին:
Գիբս-Ուայթը հինգ տարվա պայմանագիր է կնքել Ֆորեսթի հետ, ինչը նրան դարձնում է «անտառապահների» 16-րդ նորեկը այս տրանսֆերային պատուհանում:
«Վուլվերհեմփթոնը» այս ամառվա սկզբին մերժեց Գիբս Ուայթի համար «Նոթինգհեմի» երեք հայտերը, սակայն չորրորդ փորձից «Նոթինգհեմին» հաջողվեց բանակցել 22-ամյա անգլիացու գնի շուրջ:
Ինչպես հայտնում է Sky Sports-ը, «գայլերը» երաշխավորված են 25 մլն ֆունտ ստեռլինգ ստանալու իրենց աշակերտի համար: Եվս 17,5 մլն ֆունտ երկու ակումբները տրամադրել են բոնուսների տեսքով։
Գիբս-Ուայթը լիովին անցկացրել է «Վուլվզի» երկու առաջին հանդիպումները Պրեմիեր լիգայի նոր մրցաշրջանում, իսկ նախորդ մրցաշրջանում վարձավճարով լավ խաղացել է Չեմպիոնշիփի «Շեֆիլդ Յունայթեդի» կազմում:
Մորգանը շատ լավ գիտի «Նոթինգհեմի» մարզիչ Սթիվ Կուպերին, ով նրան վարձավճարով վերցրեց «Սուոնսիում» 2020/21 թվականներին:
