«Տոտտենհեմի» կիսապաշտպան Էրիկ Լամելայի հայրը հայտնել է, որ իր որդին երջանիկ չէ լոնդոնյան ակումբում և ցանկանում է վերադառնալ Ա Սերիա:
21-ամյա Լամելան անցած ամառ տեղափոխվեց «Ուայթ Հարթ Լեյն», որտեղ նրա հետ մեծ հույսեր էին կապում: Սակայն մինչև այժմ արգենտինացի ֆուտբոլիստը չի կարողացել ոչնչով աչքի ընկնել:
Վերջին ժամանակներս խոսվում է Լամելայի՝ Իտալիա վերադարձի մասին, որտեղ նա խաղում էր «Ռոմայում»: Եվ չնայած որ Էրիկը ցանկանում է վերադառնալ Ա Սերիա, նրա տեղափոխությունը քիչ հավանական է:
-Էրիկը Լոնդոնում երջանիկ չէ և ցանկանում է վերադառնալ Իտալիա: Խոսվում է «Լացիոյի» մասին, սակայն ես այդ մասին ոչինչ չգիտեմ: Հնարավոր է, որ վերադառնա նաև «Ռոմա»: Սակայն «Տոտտենհեմը» չի ցանկանում բաց թողնել նրան,- Խոսե Լամելայի խոսքերն է մեջբերում Football Italia-ն: