«Քուինս Պարկ Ռեյնջերսի» գլխավոր մարզիչ Հարի Ռեդնապը վստահ է, որ «Արսենալը» կարող է լուծել Պրեմիեր Լիգայի ընթացիկ մրցաշրջանում լավագույն քառյակում տեղ գտնելու առաջադրանքը:
«Ռեյնջերների» դեմ տնային խաղից առաջ «զինագործներն» զբաղեցնում են միայն վեցերորդ հորիզոնականը: «Արսենալի» գլխավոր մարզիչ Արսեն Վենգերը մշտապես ենթարկվում է քննադատության, սակայն Ռեդնապը դա արդարացի չի համարում:
-Ես չեմ հասկանում, թե ինչու են քննադատում Արսեն Վենգերին: «Արսենալը» լավ թիմ է, և ես կարծում եմ, որ նրանք կարող են մրցաշրջանն ավարտել լավագույն քառյակում: Չեմ կարողանում պատկերացնել նրանց քառյակից դուրս: Նրանք դա արել են յուրաքանչյուր տարի, և ես որևէ խնդիր չեմ տեսնում, որը նրանց կխանգարի անել նաև այս անգամ,- ասել է Ռեդնապը: Goal
