«Արսենալի» նախկին գլխավոր մարզիչ Արսեն Վենգերը բացատրել է, թե ինչու դեռ չի վերադարձել լոնդոնյան ակումբ։
Վենգերը «Արսենալից» բաժանվեց ոչ լավագույն պայմաններով։ Արսենի հեռանալուն նախորդեցին «զինագործների» երկրպագուների զանգվածային բողոքները:
Վերջերս խոսվում էր այն մասին, որ «Արսենալը» պետք է շտկի իր հարաբերությունները Վենգերի հետ՝ առաջարկելով նրան ոչ խաղային դեր, սակայն Արսենը նախընտրում է հեռվից անհանգստանալ իր նախկին ակումբի համար:
«Ես բացակայում եմ ակումբից 2018 թվականից: 22 տարի մարզիչ լինելուց հետո ես հասնել էի ճանապարհի ավարտին, և մարդիկ փոփոխություններ էին ուզում»:
«Ակումբն այլ ուղղություն է վերցրել, և ես կարող եմ դա հասկանալ: Երբեմն ձեզ բոլորովին նոր անձնակազմ է անհրաժեշտ, և իմ ներկայությունը կարող է խնդիր առաջացնել»:
«Այսպիսով, ես քաշվեցի ամբողջովին մի կողմ, որպեսզի ակումբին հնարավորություն տամ վերակառուցվել և կապ ստեղծել նոր մարզչի հետ: Այդ իսկ պատճառով ես երբեք չեմ խոսել «Արսենալի» մասին և երբեք չեմ վերադարձել Էմիրեյթս։ Ես չեմ ուզում վնասել ակումբին իմ ներկայությամբ»։
«Բայց ես դեռ զգում եմ, որ իմ կյանքը կապված է «Արսենալի» հետ, ուստի հիմա ես աջակցում եմ նրանց հեռուստատեսությամբ: Բացի այդ, ես շատ զբաղված եմ աշխարհով մեկ ճանապարհորդելով ՖԻՖԱ-ի համար»,- Վենգերի խոսքերն է մեջբերում Football.London-ը:
