«Լիվերպուլի» կիսապաշտպան Արթուր Մելոն ազդրի վնասվածքի պատճառով չորս ամիս բացակայությունից հետո վերադարձել է լիարժեք մարզումներին։
Մելոն, ով այս մրցաշրջանում վարձավճարով տեղափոխվել է «Յուվենտուսից», սեպտեմբերին «Լիվերպուլի» կազմում Չեմպիոնների լիգայի խաղում «Նապոլիի» դեմ խաղացել է ընդամենը 13 րոպե:
Հոկտեմբերին 26 ամյա բրազիլացին մարզման ժամանակ պատռել էր ազդրի մկանը, ինչի պատճառով նա պետք է վիրահատվեր։
Այնուամենայնիվ, Մելոյի վերականգնումն այժմ ավարտված է, և Արթուրը նկատվել է ընդհանուր խմբում չորեքշաբթի օրը «Լիվերպուլի»՝ Կիրբի բազայում կայացած մարզման ժամանակ:
Մրցաշրջանի մնացած հատվածում Մելոն միայն Պրեմիեր լիգայում կկարողանա օգնել «կարմիրներին», քանի որ նա դուրս մնաց Չեմպիոնների լիգայի հայտից։
