«Տոտտենհեմի» պաշտպան Միկի Վան Դե Վենը «Մանչեսթեր Յունայթեդի» դեմ խաղից հետո փարատել է իր առողջության հետ կապված մտավախությունները։
Պրեմիեր լիգայի շրջանակներում Օլդ Թրաֆորդում կայացած խաղը Վան դե Վենի համար առաջինն էր նոյեմբերի սկզբից ի վեր, երբ նա վնասվածք ստացավ «Չելսիի» դեմ խաղում:
Վան դե Վենը չկարողացավ ավարտել «Յունայթեդի» դեմ հանդիպումը, քանի որ վերջում փոխարինվեց Էմերսոն Ռոյալով, սակայն եզրափակիչ սուլիչից հետո 22 ամյա հոլանդացին վստահեցրեց, որ վնասվածքի կրկնություն չի եղել։
«Ես իսկապես ուրախ եմ վերադառնալու համար: Վերջում ես մի փոքր լարվածություն ունեցա, բայց այժմ ամեն ինչ լավ: Դա ուղղակի մկանների ձգվածություն էր:
Ես չեմ խաղացել, կարծում եմ, երկուսուկես ամիս, և դուք կարող էիք տեսնել, որ հանդիպման տեմպը իսկապես բարձր էր, ուստի իմ մկանները ուղղակի չդիմացան ծանրաբեռնվածությանը», – ասել է Վան դե Վենը Sky Sports-ին տված հարցազրույցում:
