«Արսենալը» պատրաստվում է ձեռք բերել «Բավարիայի» կիսապաշտպան Լուիս Գուստավոյին ամառային տրանսֆերային պատուհանի ժամանակ: Այս մասին հայտնում է Goal պարբերականն իր էքսկլյուզիվ հոդվածում:
Գործարքի արժեքը գնահատվում է 15 մլն ֆունտ: «Զինագործները» ցանկանում են ձեռք բերել բրազիլացի ֆուտբոլիստին որպես Ալեքս Սոնգին փոխարինող: Սոնգն անցած ամառ տեղափոխվեց «Բարսելոնա»:
Ավելացնենք, որ Գուստավոն ունիվերսալ ֆուտբոլիստ է: Նա կարող է հանդես գալ կիսապաշտպանության կենտրոնում կամ պաշտպանությունում: Սակայն վերջին ժամանակներս նա հազվադեպ է դաշտ դուրս գալիս թիմի մեկնարկային կազմում:
