«Լիվերպուլի» գլխավոր մարզիչ Յուրգեն Կլոպը հայտնել է, որ դարպասապահ Ալիսոնը կարող է մեկնարկային կազմ վերադառնալ շաբաթ օրը կայանալիք «Կրիստալ Փելեսի» դեմ հանդիպմանը:
Հիշեցնենք, որ Ալիսոնը մկանային վնասվածք էր ստացել նոյեմբերի 25-ին «Մանչեսթեր Սիթիի» դեմ խաղում (1:1):
Այդ ժամանակից ի վեր 31 ամյա բրազիլացին բաց է թողել «Ֆուլհեմի» և «Շեֆիլդ Յունայթեդի» դեմ կայացած հանդիպումները, ինչպես նաև Եվրոպայի լիգայում «ԼԱՍԿ»-ի դեմ հանդիպումը։
Այնուամենայնիվ, Ալիսոնին փոխարինած Քևին Քելլեհերը, հնարավոր է, ստիպված լինի շաբաթ օրը խանդիպումը դիտել պահեստայինների նստարանից:
«Ալիսոնն իրեն լավ է զգում: Արդյո՞ք դա բավարար է վաղվա համար: Դա պետք է որոշի մարզչական շտաբը և բժշկական բաժանմունքը: Բայց նա վերսկսեց մարզումները հինգշաբթի օրը և մարզվում էր սովորական ռեժիմով:
Ալեքսիսը լավ տեսք չունի: Խաղից հետո մենք հույս ունեինք, որ դա շատ լուրջ չի լինի, բայց դա տարվա այն եղանակն է, որտեղ դուք բաց եք թողնում հինգ օր, և դա 12 հանդիպում է: Չեմ սպասում, որ նա վաղը պատրաստ կլինի խաղալուն»,- Կլոպի խոսքերն է մեջբերում Sky Sports-ը:
