Մադրիդի «Ռեալի» գլխավոր մարզիչ Կարլո Անչելոտին սառեցրել է «Լիվերպուլի» հարձակվող Լուիս Սուարեսի նկատմամբ իր ակումբի հետաքրքրքության մասին լուրերը:
Որոշ լուրերի համաձայն, Պրեմիեր Լիգայի նախորդ մրցաշրջանի լավագույն ռմբարկուն համարվում է այս ամռանը «Ռեալի» տրանսֆերային գլխավոր նպատակը: Սակայն Անչելոտին կարծում է, որ անգամ Սուարեսը դժվար թե կարողանա ուժեղացնել իր թիմի հարձակումը:
-Լուիս Սուարեսը ֆանտաստիկ ֆուտբոլիստ է: Նա շատ լավ ֆուտբոլիստ է, սակայն հնարավոր չէ ուժեղացնել «Ռեալի» հարձակման գիծը, քանի որ այնտեղ են Կրիշտիանուն, Բենզեման, Բեյլը, Խեսեն: Մենք լավ թիմ ունենք, որտեղ մեծ է մրցակցությունը: Եթե մեզ հաջողվի պահպանել եղած ֆուտբոլիստներին, ապա ես ուրախ կլինեմ: Այս թիմը երկու գավաթ է հաղթել,- ասել է Անչելոտին: ESPN
