Մեծ հարցականի տակ է գտնվում «Տոտտենհեմի» կիսապաշտպան Գարեթ Բեյլի վերադարձը շարք «Մանչեսթեր Սիթիի» հետ խաղին: Ֆուտբոլիստը դեռ չի վերսկսել մարզումներն ընդհանուր թիմի հետ:
Բեյլը վերջերս է վնասել ոտնաթաթը և այդ պատճառով արդեն բաց է թողել թիմի երկու հանդիպումները: Սպասվում էր, որ Գարեթը դաշտ կվերադառնա առաջիկա հանգստյան օրերին, երբ «Տոտտենհեմը» կհյուրընկալի «Մանչեսթեր Սիթիին»:
Daily Mail պարբերականի փոխանցմամբ խաղացողը դեռ չի սկսել մարզվել ընդհանուր խմբի հետ: Լոնդոնյան ակումբի բժշկական անձնակազմն անում է ամեն ինչ, սակայն Գարեթի մասնակցությունն այդ խաղին ավելի ու ավելի անհավանական է դառնում:
Ավելացնենք, որ աղբյուրի հաղորդմամբ «Տոտտենհեմի» գլխավոր մարզիչ Անդրե Վիլաշ-Բոաշը կարող է ուելսցի ֆուտբոլիստին հայտավորել այդ խաղին որպես պահեստային:
