«Մանչեսթեր Սիթիի» կիսապաշտպան Դավիդ Սիլվայի վնասվածքի հետ կապված վատատեսական կանխատեսումները չեն հաստատվել: Իսպանացի փլեյմեյքերը երկու շաբաթ հետո շարք կվերադառնա:
Վերջին մի քանի շաբաթների ընթացքում Սիլվան խաղում էր կոճի վնասվածքով: Այդ վնասվածքն իր մասին հիշեցրեց «Վեստ Բրոմվիչի» դեմ երեկվա խաղում և Սիլվան պատգարակի վրա լքեց խաղադաշտը:
Խաղից անմիջապես հետո լուրեր հայտնվեցին, որ 28-ամյա կիսապաշտպանը կարող է բաց թողնել ոչ միայն մրցաշրջանի մնացած հատվածն, այլ նաև Բրազիլիայում կայանալիք աշխարհի առաջնությունը:
Սակայն, ինչպես հաղորդում է The Guardian-ը, բուժզննման արդյունքները բավական լավատեսական են եղել: Դավիդը բաց կթողնի երկու շաբաթ և այս մրցաշրջանում դեռ կկարողանա օգնել իր թիմին:
