«Լիվերպուլը» համաձայնեցրել է «Ինտերի» կիսապաշտպան Ֆիլիպե Կոուտինյոյի տրանսֆերը 8.5 մլն ֆունտով:
Ինչպես տեղեկացնում է BBC-ն, այս շաբաթ «Ինտերը» մերժել էր «մերսիսայդցիների» 2 առաջարկներն էլ՝ գնելու 20-ամյա բրազիլացուն: «Լիվերպուլը 3-րդ փորձից արդեն կարողացավ հասնել արդյունքի: Սպասվում է, որ հաջորդ շաբաթվա սկզբին Ֆիլիպեն կմեկնի «Լիվերպուլ» բուժզննում անցնելու նպատակով: Այս ընթացքում էլ կողմերը կքննարկեն ֆուտբոլիստի անձնական պայմանագրի կետերը:
Կոուտինյոյի համար առաջարկ արել էր նաև «Սաութհեմպտոնը», սակայն խաղացողը նախապատվությունը տալիս է «Լիվերպուլին»:
