«Լիվերպուլի» գլխավոր մարզիչ Բրենդան Ռոջերսը հայտնել է, որ պատրաստվում են մինչև տրանսֆերային պատուհանի փակվելը թիմը համալրել ձախ պաշտպանով:
Նախորդ մրցաշրջանում Ռոջերսը ձախ եզրում փորձարկեց Խոսե Էնրիկեին, Գլեն Ջոնսոնին և Անդրե Վիզդոմին: Այժմ իսպանական թերթերը գրում են, որ «Լիվերպուլը» մոտ է «Վալենսիայի» պաշտպան Ալի Սիսոկոյին ձեռք բերելուն:
-Թիմում կան մի քանի գոտիներ, որոնք համեմատաբար թույլ են, քան մյուսները: Խնդիրներ կան պաշտպանությունում, և մենք աշխատում ենք այդ ուղղությամբ: Խնդիրը ոչ թե քանակի, այլ որակի մեջ է: Շատ լավ կլինի, եթե կարողանանք այդ հարցում հաջողության հասնել առաջիկա շաբաթում,- Ռոջերսի խոսքերն է մեջբերում Sky Sports-ը:
