«Լիվերպուլը» պաշտոնապես ցուցադրել է նոր տնային մարզաշապիկների հավաքածուն, որով Բրենդան Ռոջերսի թիմը հանդես կգա հաջորդ մրցաշրջանում:
Ստեղծելով մարզաշապիկի նորացված տարբերակը՝ Warrior ընկերությունն օգտվել է այն մարզահագուստից, որով «կարմիրները» խաղացել են իրենց համար պատմական 1983/84 մրցաշրջանում: Այդ ժամանակ «Լիվերպուլը» հաղթեց եվրոպական չեմպիոնների Գավաթում:
Մարզահագուստի ձևավորման համար օգտագործվել է War-Tech իննովացիոն տեխնոլոգիան, որը մարզաշապիկը դարձնում է շնչող և մարմնից հեռացնում է ավելորդ խոնավությունը: Արտադրողը խոստանում է, որ խաղացողների համար ամեն պարագայում հարմարավետ է լինելու:
Ավելացնենք, որ նոր մարզահագուստի պատվերն արդեն այժմ հասանելի է, սակայն վաճառքը սկսվելու է մայիսի 30-ից: Երկրպագուները կտեսնեն թիմին նոր հագուստով միջմրցաշրջանային հանդիպումների ժամանակ:
