«Լիվերպուլի» կիսապաշտպան Լուկաս Լեյվան հուսով է, որ իր թիմակից Լուիս Սուարեսը կճանաչվի Պրեմիեր Լիգայի ընթացիկ մրցաշրջանի լավագույն ֆուտբոլիստը:
Այս մրցաշրջանում ուրուգվայցի հարձակվողը դարձել է 25 գոլի հեղինակ, որից 18-ը՝ Պրեմիեր Լիգայում: Ռմբարկուների ցուցակում Լուիսը զիջում է միայն Ռոբին Վան Պերսիին:
-Կասկած չկա, որ Լուիսը կպայքարի մրցաշրջանի լավագույն ֆուտբոլիստի կոչման համար: Նա հիանալի մրցաշրջան է անցկացնում: Նա հատուկ ֆուտբոլիստ է,- ասել է Լեյվան: Liverpool Echo