«Այո, ես հիմա հաճույք եմ ստանում կյանքից, և ոչ միայն ես, այլ ամբողջ թիմը»,- հանդիպումից հետո ահա այսպիսի հայտարարություն արեց Իլկայ Գյունդոգանը։ Գերմանիայի հավաքականի կիսապաշտպանի այս խոսքերը շատ լավ բնորոշում են այն մթնոլորտը, որը հիմա տիրում է «Մանչեսթեր Սիթիի» հանդերձարանում։
«Էվերթոն» – «Մանչեսթեր Ս․» 0-2
Կառլո Անչելոտիի թիմը բավականին երկար ժամանակ հաջող պաշտպանվում էր, մինչև Կեվին դե Բրույնեի խաղադաշտ դուրս գալը։ Նման ֆուտբոլիստները որակ են ստեղծում, հատկանշական է, որ բելգիացին փոխարինեց ոչ թե Ֆեռնանդինյոյին, ով ուներ դեղին քարտ, այլ Ստերլիգին, ով շատ էր կորցնում գնդակը, կամ միշտ վազում էր ոչ ճիշտ ուղղությամբ։
Հենց Կեվին դե Բրույնեյի անմիջական մասնակցությամբ սկսվեց առաջին գոլային գրոհը, իսկ երկրորդ գնդակը հենց բելգիացին հեղինակեց՝ ստանալով խորքից փոխանցում։
