Պրեմիեր Լիգայի 15-րդ տուրում առաջատր «Մանչեսթեր Սիթին» հյուրընկալել էր մայրաքաղաքից ժամանած «Վեստ Հեմ Յունայթեդին»։
«Քաղաքայինները» կամային հաղթանակ տարան սեփական հարկի տակ։ Հանդիպման հաշիվը բացվեց առաջն խաղակեսի վերջնամասում։ Գոլի հեղինակ դարձավ Անջելո Օգբոնան։ 57-րդ րոպեին պատասխան գնդակը խփեց Նիկոլաս Օտամենդին, իսկ «Սիթիի» հաղթական գոլի հեղինակը դարձավ Դավիդ Սիլվան։
Այս հաղթանակից հետո Պեպ Գվարդիոլայի թիմը կշարունակի պահպանել 8 միավորի առավելությունը երկրորդ տեղում գտնվող «Յունայթեդի» նկատմամբ։
Գոլեր․ Օգբոնա՝ 44ր, Օտամենդի՝ 57ր, Սիլվա՝ 87ր։
