«Լիվերպուլը» հուսով է, որ կկարողանա առաջիկա օրերի ընթացքում հաստատել Մյունխենի «Բավարիայի» և Գերմանիայի ազգային հավաքականի կիսապաշտպան Մարիո Գյոտցեի տրանսֆերը։
Եվրոպա Լիգայի եզրափակչում պարտություն կրելուց հետո «կարմիրների» գլխավոր մարզիչ Յորգեն Կլոպը մտադիր է տրանսֆերային շուկայում գտնել իր թիմի համար ուժեղացում։
Կլոպի առաջին նորեկները, չհաշված Ժոել Մատիպը և Մարկո Գրուիչը, որոնց տեղափոխությունը համաձայնեցվել էր մի քանի ամիս առաջ, խոստանում են դառնալ նրա հայրենակիցները՝ «Մանյցի» դարպասապահ Լորիս Կարուիսը և հենց Գյոտցեն։
23-ամյա Գյոտցեն լավ ճանաչում է Կլոպին, ում հետ աշխատել է Դորտմունդի «Բորուսիայում»։ «Բավարիայում» անցկացրած անհաջող մրցաշրջանից հետո Մարիոն մտածում է ակումբը փոխելու մասին, և «Լիվերպուլը», ինչպես հայտնում է The Sun֊ը, հուսով է նրա հետ պայմանագիր ստորագրել առաջիկա շաբաթվա ընթացքում, որպեսզի ֆուտբոլիստը ժամանակ ունենա կենտրոնանալու Եվրո-2016-ի վրա։
Հաղորդվում է, որ «Լիվերպուլը» միակ ակումբը չէ, որը ցանկանում է գնել Մարիոյին, սակայն Կլոպի հետ ունեցած հարաբերությունները մյուս ակումբներին դուրս է թողել պայքարից։
