«Չելսիի» գլխավոր մարզիչ Ժոզե Մոուրինյոն վստահ է, որ Դիդիե Դրոգբան մի օր կվերադառնա լոնդոնյան ակումբ:
Այսօր երեկոյան իվուարցի վետերանը դուրս կգա «Սթեմֆորդ Բրիջ», որպեսզի Չեմպիոնների Լիգայի 1/8-րդ եզրափակչի պատասխան խաղում օգնի «Գալաթասարային»:
-Նա այժմ «Գալաթասարայի» ֆուտբոլիստ է, և մենք գիտենք, որ մրցաշրջանի ավարտին նա կդառնա ազատ կարգավիճակով ֆուտբոլիստ: Սակայն մենք չենք կարծում, որ հիմա դրա մասին խոսելու ճիշտ պահն է:
Կարծում եմ՝ մի օր դա կլինի: Երբ որ ֆուտբոլիստը շատ բան է նշանակում ակումբի համար, իսկ ակումբը՝ ֆուտբոլիստի, իսկ այս դեպքում հենց այդպես է, ապա մի օր նա պետք է վերադառնա,- Մոուրինյոյի խոսքերն է մեջբերում Sky Sports-ը:
