«Լիվերպուլի» գլխավոր մարզիչ Բրենդան Ռոջերսը կարծում է, որ Պրեմիեր Լիգայի չեմպիոնական պայքարում իր թիմի հավանական պարտությունն իրենց ավելի ուժեղ է դարձնելու:
Մեկ շաբաթվա ընթացքում 5 միավոր կորցնելով` «կարմիրները» տիտղոսի համար մղվող պայքարում զիջեցին «Մանչեսթեր Սիթիին»: Սակայն Ռոջերսը ցանկանում է այդ ամենի մեջ դրականը տեսնել:
-Եթե դու ցանկանում ես հաջողակ դառնալ, ապա դու պետք է անցնես պարտության միջով: Եթե նայենք պատմությանը, ապա կտեսնենք, որ մեծ ակումբները և մեծ ֆուտբոլիստները նույնպես պարտվել են, սակայն կրկին են քայլ արել և դարձել լավագույնը:
Մեզ մնում է մեկ խաղ, սակայն ես կարծում եմ, որ մենք այս մրցաշրջանում արդեն մեծ հաջողության ենք հասել: Եթե օգոստոսին ինչ որ մեկը մեզ ասեր, որ վերջում պայքարելու ենք տիտղոսի համար, ապա մենք իհարկե կհամաձայնվեինք: Մենք արդեն տեղ ենք գտել Չեմպիոնների Լիգայի գոտում, սակայն մեր նպատակն ավելին է,- Ռոջերսի խոսքերն է մեջբերում Sky Sports-ը:
