«Լիվերպուլի» հարձակվող Դանիել Սթարիջը կարծում է, որ իր թիմի ավագ Սթիվեն Ջերարդն արժանի է, որպեսզի այս մրցաշրջանի արդյունքում իր գլխավերևում պահի Պրեմիեր Լիգայի գավաթը:
Ջերարդն իր պորֆեսիոնալ կարիերայի 15 տարվա ընթացքում, որն անցկացրել է մերսիսայդյան ակումբում, երբեք չի հաղթել Պրեմիեր Լիգան: Սթիվենը կարող էր ունենալ այդ մեդալը, եթե ժամանակին չհրաժարվեր տեղափոխվել «Չելսի»:
Այժմ Ջերարդը հնարավորություն ունի այդ երազանքն իրականություն դարձնել իր սիրած ակումբում: Այս պահին «կարմիրները» գլխավորում են Պրեմիեր Լիգայի մրցաշարային աղյուսակը և եթե հաղթեն մնացած վեց խաղերում, ապա կտիրանան այդ տիտղոսին: Սթարիջի կարծիքով, Ջերարդն արժանի է դրան:
-Չկա ուրիշ մեկը, ով այդ տիտղոսն ունենալու ավելի մեծ իրավունք ունի: Սիթվենը պետք է ունենա այդ մրցանակը, քանի որ նա շատ բան է արել այս ակումբի համար: Յուրաքանչյուրս պետք է անենք հնարավոր ամեն ինչ, որպեսզի նրան օգնենք հասնել այդ նպատակին:
Նա ապրում է այս ակումբով, նա այստեղ է իր կարիերայի առաջին օրվանից, և մեծ պատիվ է խաղալ նրա հետ: Նա լավ օրինակ է երիտասարդ ֆուտբոլիստների համար: Սթիվենը միշտ կմնա լեգենդ, ոչ միայն «Լիվերպուլի», այլն նաև Անգլիայի համար: Նա ֆուտբոլի պատմության մեջ կմտնի որպես լավագույն կիսապաշտպաններից մեկը,- ասել է Սթարիջը: The Telegraph
