«Լիվերպուլի» հարձակվող Լուիս Սուարեսը խոստովանել է, որ հետաքրքրված է «Մադրիդի Ռեալ» տեղափոխությամբ:
Ուրուգվայցի ֆուտբոլիստի խոսքերով, նա անգլիական մամուլի կողմից չափից շատ է քննադատության ենթարկվում: Միաժամանակ Լուիսը հայտնել է, որ իրեն հետաքրքրել է իսպանական գրանդ տեղափոխվելու տարբերակը:
-Ես անընդհատ աշխատում եմ, որպեսզի լինեմ այնտեղ, որտեղ հիմա եմ, իսկ անգլիական մամուլը շարունակում է ինձ քննադատել: «Լիվերպուլը» ցանկանում է, որ ես մնամ, սակայն հայտնի չէ, թե ինչ կլինի:
Դժվար կլինի մերժել «Մադրիդի Ռեալին», սակայն առայժմ պաշտոնական առաջարկ չեմ ստացել,- Սուարեսի խոսքերն է մեջբերում Sky Sports պարբերականը:
