«Լիվերպուլը» և «Արսենալը» «Սուոնսիի» հարձակվող Վիլֆրիդ Բոնիին գնելու համար ստիպված են լինելու վճարել 25 մլն ֆունտ: Անգլիայում անցկացրած առաջին մրցաշրջանից հետո, երբ բոլոր առաջնություններում միասին խփեց 25 գոլ, Բոնին հայտնվեց Պրեմիեր Լիգայի թոփ ակումբների ուշադրության կենտրոնում:
Եվ չնայած որ «կարապները» չեն ցանկանում վաճառել իրենց առաջատարին, նրանք Վիլֆրիդի համար տրանսֆերային արժեք են սահմանել 25 մլն ֆունտ: Այս մասին հաղորդում է The Express-ը:
Այս պարագայում, «Սուոնսին» Բոնիի համար պահանջում է երկու անգամ ավել գումար, քան նրանք վճարեցին մեկ տարի առաջ: Հիշեցնենք, որ իվուարցի հարձակվողի տրանսֆերը դարձավ «Սուոնսիի» պատմության մեջ ամենաթանկը:
