«Ֆուլհեմի» նախկին եզրային հարձակվող Վիլիանը մոտ է ազատ գործակալի կարգավիճակով «Նոթինգհեմ Ֆորեստին» շարքերում հայտնվելուն:
Հիշեցնենք, որ Վիլիանի պայմանագիրը «Ֆուլհեմի» հետ ավարտվել հունիսի վերջին։ 34 ամյա բրազիլացին մերժել է «սպիտակների» կատարած նոր պայմանագրի առաջին առաջարկը, սակայն նրա գլխավոր մարզիչ Մարկո Սիլվայի միջամտությունից հետո լոնդոնյան ակումբը երկրորդ փորձն է կատարել։
Թվում էր, թե «Ֆուլհեմը» կկարողանա պայմանավորվել Վիլիանի հետ, սակայն այդ պրոցեսին խառնվեց «Ֆորեստը»։
Ինչպես հայտնում է BBC-ն, Վիլիանն արդեն բուժզննում է անցնել «անտառապահների» կազմում, որոնց համար նա կդառնա առաջին նորեկը այս տրանսֆերային պատուհանում։
Անցած մրցաշրջանում Վիլիանը բառացիորեն գտավ իր երկրորդ երիտասարդությունը՝ «Ֆուլհեմի» կազմում անցկացրած 30 խաղում խփելով 5 գոլ և կատարելով 6 գոլային փոխանցում:
