«Լիվերպուլի» գլխավոր մարզիչ Յուրգեն Կլոպը հայտարարել է, որ իր թիմը չի հանձնվի չնայած վատ մրցաշրջանին:
«Լիվերպուլը» նախօրեին «Կրիստալ Փելեսից» երկու միավոր կորցրեց՝ 0։0։ «Կարմիրները» ներկայումս Պրեմիեր լիգայում միայն յոթերորդն են:
Այնուամենայնիվ, Կլոպը վստահ է, որ վաղ թե ուշ «Լիվերպուլը» կհաղթահարի այդ դժվարությունները։
«Մենք շարունակում ենք առաջ շարժվել: Մեր պատմությունը թույլ չի տալիս մեզ հանձնվել: Սա չի լինի այն սեզոնը, որը նորից ու նորից կդիտվի, չի նկարահանվի ֆիլմ: Մենք պետք է հաղթահարենք այն և մենք կամք ցուցաբերենք»։
«Այս երեկո ոչինչ չի փոխվել: Դուք կարող եք դրան տարբեր ձևերով նայել։ Մենք չհաղթեցինք, և դա շատ բացասական է հնչում: Բայց մենք մեկ միավոր ավելի շատ ունենք, քան նախկինում, և դա շատ դրական է»,- Կլոպին է մեջբերում Sky Sports-ը:
