«Արսենալը» անձնական պայմանագիր է կնքել «Բրենտֆորդի» դարպասապահ Դավիդ Ռայայի հետ։
Քիչ առաջ հայտնի դարձավ, որ «Արսենալի» գլխավոր մարզիչ Միկել Արտետան մտածում է իր հայրենակից Ռայային ձեռք բերելու մասին՝ մրցակցություն ստեղծելու համար «զինագործների» դարպասապահ Աարոն Ռեմսդեյլի համար։
Ըստ Ֆաբրիցիո Ռոմանոյի, «Արսենալն» ու Ռայան արդեն սկզբունքային համաձայնության են եկել անձնական պայմանագրի շուրջ, իսկ ինքը՝ Դավիդը, հայտնել է «Բրենտֆորդի» ղեկավարներին Արտետայի թիմին միանալու իր ցանկության մասին։
Այս պահին «Արսենալը» և «Բրենտֆորդը» բանակցում են Ռայայի գնի և վարձավճարների կառուցվածքի շուրջ։ Նշենք, որ «մեղուները» նախկինում պատրաստ էին բաց թողնել 27 ամյա իսպանացուն միայն 40 միլիոն ֆունտ փոխհատուցումով:
