Պրեմիեր Լիգայի 31-րդ տուրի կենտրոնական հանդիպումը կայացավ «Էմիրեյթսում», ուր «Արսենալը» հյուրընկալել էր «Լիվերպուլին»:
«Զինագործները» կարևոր խաղում խոշոր հաշվով հաղթանակ տարան հյուրերի նկատմամբ: Արսեն Վենգերի սաները հանդիպման ելքը վճռեցին առաջին խաղակեսի վերջնամասում: 8 րոպեում մեկական անգամ աչքի ընկան Հեկտոր Բելերին, Մեսութ Օզիլը և Ալեքսիս Սանչեսը: «Լիվերպուլը» երկրորդ խաղակեսում կարողացավ միայն հեղինակության գնդակը խփել: Հանդիպման վերջին րոպեին էլ իր թիմի չորրորդ գնդակը խփեց Օլիվյե Ժիրուն:
Այս հաղթանակից հետո «Արսենալը»՝ վաստակած 63 միավորով բարձրացավ երկրորդ հորիզոնական:
Գոլեր. Բելերին՝ 37ր, Օզիլ՝ 40ր, Սանչես՝ 45ր, Հենդերսոն՝ 76ր (11մ), Ժիրու՝ 90ր:
