«Լիվերպուլի» գլխավոր մարզիչ Բրենդան Ռոջերսն իր կարծիքն է հայտնել Սէր Ալեքս ֆերգյուսոնի այն խոսքերի մասին, ըստ որոնց «կարմիրների» ավագ Սթիվեն Ջերարդը երբեք չի համարվել թոփ ֆուտբոլիստ:
Իր ինքնակենսագրականում «Մանչեսթեր Յունայթեդի» լեգենդար մարզիչը հայտնել է, որ Սթիվեն Ջերարդին չի համարում համաշխարհային մակարդակի ֆուտբոլիստ և նրան ցածր է դասել անգամ Ռոյ Քինից և Փոլ Սքոուլիզից:
Ֆերգյուսոնի այս հայտարարությունը անպատասխան չմնաց Բրենդան Ռոջերսի կողմից: Ռոջերսի կարծիքով, շոտլանդացի մասնագետը ճիշտ չէ Սթիվենի հաշվով:
-Ջերարդը համաշխարհային մակարդակի ֆուտբոլիստ է, և նրա մակարդակը հասկանալու համար պետք է աշխատեք նրա հետ: Նա անգամ իր 33 տարեկան հասակում է շարունակում բարձր որակներ ցուցադրել: Նա մեծ տաղանդի տեր է, և չեմ կարծում, որ ինչ որ մեկը կվիճի այս հարցում,- Ռոջերսի խոսքերն է մեջբերում talkSPORT-ը:
