«Մանչեսթեր Սիթիի» գլխավոր մարզիչ Պեպ Գվարդիոլան դժգոհել է, որ իր թիմը «Նյուքասլից» ստիպված կլինի վերադառնալ ավտոբուսով, այլ ոչ թե ինքնաթիռով:
Լիգայի գավաթի 3-րդ տուրի հանդիպումը Սենտ Ջեյմս Պարկում սկիզբ կդնի «Սիթիի» չորս անընդմեջ շրջագայությունների մեկնարկին՝ «Նյուքասլ», «Վուլվերհեմպտոն», «ՌԲ Լեյպցիգ» և «Արսենալ»:
«Սիթին» ավտոբուսով կմեկնի «Նյուքասլ» և կվերադառնա՝ ընդհանուր 300 մղոն: «Սիթին» չի վերադառնա տուն մինչև հինգշաբթի ժամը 14:00-ի սահմանները, որպեսզի հաջորդ օրը մեկնի «Վուլվերհեմպտոն»՝ կրկին ավտոբուսով, և Գվարդիոլան վախենում է, որ դա կարող է խանգարել իր թիմին երկարացնել 100 տոկոսանոց շարքը:
«Խաղից հետո մենք չենք կարողանա ինքնաթիռով տուն վերադառնալ ինչ-որ խնդրի պատճառով։ Ինքնաթիռների հետ կապված ինչ-որ բան կա»:
«Մեզ համար տուն հասնելու ինքնաթիռ չկա, ուստի ստիպված կլինենք ավտոբուս նստել: Հինգշաբթի օրը երկու-երեք ժամ ուշ կվերադառնանք, և դա շատ ուշ է: Մենք մեկնում ենք «Վուլվերհեմպտոն» հաջորդ օրը՝ ուրբաթ, ուստի մենք պետք է դա նկատի ունենանք»:
«Այնուհետև հաջորդ շաբաթ մենք գնում ենք Գերմանիա՝ խաղալու «ՌԲ Լեյպցիգի» հետ Չեմպիոնների լիգայում: Դա իսկապես կարևոր հանդիպում է մեզ համար, քանի որ մենք գիտենք, թե որքան կարևոր է այնտեղ հաղթելը հաջորդ փուլ դուրս գալու համար»:
«Ես չգիտեմ, թե ինչ եղավ ինքնաթիռի հետ: Ճամփորդության մենեջերն ասաց, որ մենք չենք կարող օգտվել դրանից: Կարծես թե ինչ-որ խնդիր կա Լոնդոնում: Ես ավտոբուսի հետ խնդիր չունեմ, բայց մենք դրանով կվերադառնանք շատ, շատ ավելի ուշ» ֊ Գվարդիոլայի խոսքերն է մեջբերում Daily Mirror-ը։
