Պրեմիեր Լիգայի 21-րդ տուրի այսօրվա առաջին խաղը կայացավ Լիվերպուլի «Գուդիսոն Պարկ» մարզադաշտում, ուր «Էվերթոնը» հյուրընկալել էր «Մանչեսթեր Սիթիին»։
Ռոնալդ Կումանի սաները անակնկալ հաշվով ջախջախեցին «քաղաքայիններին»՝ 4 անպատասխան գնդակ ուղարկելով նրանց դարպասը։ Դաշտի տերերից գոլերի հեղինակ դարձան Ռոմելու Լուկակուն, Կևին Միրալյասը, Թոմ Դևիսը և օրեր առաջ «Էվերթոնին» միացած Ադեմոլա Լուկմանը։
Այս հաղթանակից հետո մերսիսայդյան ակումբը՝ վաստակած 33 միավորով կպահպանի 7-րդ հորիզոնականը։
Գոլեր․ Լուկակու՝ 34ր, Միրալյաս՝ 47ր, Դևիս՝ 78ր, Լուկման՝ 90ր։
