«Լիվերպուլը» մեկ տարով վարձակալել է «Վալենսիայի» ձախ պաշտպան Ալի Սիսոկոյին:
Դեռևս օգոստոսի սկզբին տեղեկություն էր հայտնվել այն մասին, որ «կարմիրները» հետաքրքրվում են Ֆրանսիայի հավաքականի ֆուտբոլիստով: Սակայն հետո Սիսոկոյի համար նոր ֆավորիտ դարձավ «Սանդերլենդը»:
Այդուհանդերձ «Լիվերպուլը» չհրաժարվեց Ալիին ձեռք բերելու մտքից և գործն ավարտին հասցրեց: Ինչպես հայտնում է Sky Sports-ը, «կարմիրները» համաձայնեցրել են ֆրանսիացու վարձավճարով տեղափոխությունը, ինչպես նաև ձեռք են բերել ֆուտբոլիստի տրանսֆերն ամբողջությամբ գնելու հնարավորություն:
«Լիվերպուլում» հիմնական կազմում տեղի համար Սիսոկոյին սպասվում է մրցակցություն Խոսե Էնրկիեի հետ: Իր նոր ակումբում բուժզննում անցնելու համար հաջորդ շաբաթվա սկզբին Ալին կժամանի Լիվերպուլ:
