«Լիվերպուլը» մինչև մրցաշրջանի ավարտը վարձակալեց ՔՊՌ-ի պաշտպան Սթիվեն Կոլկերին։ Այս մասին հայտնում է մերսիսայդյան ակումբի պաշտոնական կայքը։
«Տոտտենհեմի» ակադեմիայի սանը 24 տարեկան հասակում Պրեմիեր Լիգայում հանդես գալու մեծ փորձ ունի։ Նախկինում նա պաշտպանել է «Սուոնսիի», «Քարդիֆ Սիթիի» և հենց ՔՊՌ-ի գույները։
Կարճաժամկետ տեղափոխությունը «Սաութհեմպտոն» արդյունավետ չստացվեց Կոլկերի համար և անգլիացին ընդունեց «Լիվերպուլի» առաջարկը, որն այժմ պաշտպանությունում կադրային լուրջ խնդիրներ ունի։
«Կարմիրների» պաշտոնական կայքը հայտնում է, որ ակումբին հաջողվել է ժամանակին ներկայացնել անհրաժեշտ բոլոր փաստաթղթերը, որպեսզի Սթիվենն իրավունք ստանա մասնակցելու չորեքշաբթի երեկոյան «Արսենալի» դեմ խաղին։
