«Լիվերպուլն» ավարտին է հասցրել «Չարլթոնի» և Անգլիայի պատանեկան հավաքականի պաշտպան Ջո Գոմեսի տրանսֆերը:
18-ամյա պաշտպանը նախորդ մրցաշրջանում «Չարլթոնի» կազմում մասնակցել է 24 հանդիպման: Գոմեսի տպավորիչ խաղը «կարմիրներին» ստիպել է ծախսել 3,5 մլն ֆունտ:
«Լիվերպուլի» պաշտոնական կայքը հաղորդում է, որ Ջոն կարող է խաղալ ինչպես պաշտպանության կենտրոնում, այնպես էլ եզրերում: Բացի այդ, Գոմեսը Անգլիայի մինչև 19 տարեկանների հավաքականում մասնակցել է 3 հանդիպման:
Նշենք, որ Ջոն դարձավ տրանսֆերային այս պատուհանի ընթացքում մերսիսայդյան ակումբի չորրորդ նորեկը:
