«Լիվերպուլը» դուրս է մնացել Դորտմունդի «Բորուսիայի» և Անգլիայի հավաքականի կիսապաշտպան Ջուդ Բելինգհեմի համար մղվող պայքարից:
Բելինգհեմը վերջին մեկուկես տարվա ընթացքում համարվում էր «Լիվերպուլի» թիվ մեկ թիրախը, և այժմ, երբ Ջուդը իսկապես հասանելի է դառնում տրանսֆերի համար, «կարմիրները» որոշել են հրաժարվել նրա ծառայություններից:
19 ամյա Բելինգհեմի նկատմամբ հետաքրքրություն է ցուցաբերվում նաև այնպիսի ակումբների կողմից, ինչպիսիք են «Մանչեսթեր Սիթին», «Չելսին», «Ռեալը» և «ՊՍԺ»-ն, և «Դորտմունդը» վստահ է, որ կարող է 135 միլիոն ֆունտ ստեռլինգ գումարած բոնուսներ ստանալ իրենց աստղի համար:
Նույնիսկ եթե «Լիվերպուլին» հաջողվեր առաջ անցնել Ջուդի համար մրցակցության մեջ, նման մեծ գնումը զգալիորեն կքչացնի «կարմիրների» գլխավոր մարզիչ Յուրգեն Կլոպի տրանսֆերային բյուջեն, ով ծրագրում է թիմի զանգվածային վերակառուցում այս ամռանը:
Ուստի, ըստ The Guardian-ի, Էնֆիլդը որոշել է այդքան շատ չծախսել մեկ խաղացողի վրա։ Այժմ «Լիվերպուլը» դիտարկում է կիսապաշտպանության այլ թիրախներ, ինչպիսիք են «Չելսիի» Մեյսոն Մաունտը, «Բրայթոնի» Մոյսես Կայսեդոն, «Վուլվերհեմպտոնի» Մատեուս Նունեսը և «Բավարիայի» Ռայան Գրավենբերը:
