«Լիվերպուլի» նախամրցաշրջանային շրջագայությունը Սինգապուրում կանցնի առանց Ֆաբինյոյի։
Ֆաբինյոն «Լիվերպուլի» հետ չի մեկնել Գերմանիայում ուսումնամարզական հավաքի այն բանից հետո, երբ Սաուդյան Արաբիայի «Ալ-Իթիհադը» հուլիսի 14-ին 29 ամյա բրազիլացու համար 40 մլն ֆունտ է առաջարկել:
«Լիվերպուլը» տանը պահեց Ֆաբինյոյին, որպեսզի խաղացողը կարողանա դասավորել իր ապագան, բայց դրա համար երկու շաբաթը բավարար չեղավ:
Չնայած դրան, ըստ BBC-ի, Ֆաբինյոն «Լիվերպուլի» հետ չի մեկնել Սինգապուր, որտեղ Յուրգեն Կլոպի թիմը հուլիսի 30-ին նախամրցաշրջանային հանդիպումներ կանցկացնի «Լեսթերի», իսկ օգոստոսի 2-ին՝ «Բավարիայի» հետ։
Սինգապուր մեկնած 27 խաղացողների թվում չէր նաև կիսապաշտպան Տիագո Ալկանտարան, ով դեռ վերականգնվում է ազդրի վնասվածքից։
