«Լիվերպուլի» կիսապաշտպան Ջորդան Հենդերսոնը կարծում է, որ իրենց թիմը պետք է աշխատի պաշտպանության վրա:
Ընդամենը 1 ամիս առաջ «Լիվերպուլը» առաջատարների թվում էր և խոսվում էր տիտղոսների մասին, սակայն շաբաթ օրը «Աստոն Վիլլայի» հետ ոչ ոքի խաղալուց հետո Բրենդան Ռոջերսի սաներն առաջատար «Արսենալից» հետ մնացին 8 միավորով:
Վերջին երկու խաղերի ընթացքում «Լիվերպուլը» 5 գնդակ է բաց թողել, և Հենդերսոնը այստեղ է տեսնում իր թիմի խնդիրը:
-Խոսքը միայն պաշտպանների և դարպասապահի մասին չէ: Դա վերաբերվում է ողջ թիմին: Մենք պետք է աշխատենք պաշտպանության վրա: Մենք ցանկանում ենք հաղթել յուրաքանչյուր խաղում,- Հենդերսոնի խոսքերն է մեջբերում Liverpool Echo-ն:
