«Մալագայի» նախկին մարզիչ Մանուել Պելեգրինին պաշտոնապես գլխավորեց «Մանչեսթեր Սիթին»: Այս մասին հաղորդում է մանչեսթերյան ակումբի պաշտոնական կայքը:
59-ամյա չիլիացին «քաղաքայինների» հետ երեք տարվա պայմանագիր է ստորագրել:
-«Մանչեսթեր Սիթին» ամեն ինչ ունի հաջողությունները շարունակելու համար: Ես հիացած եմ, որ կարող եմ աշխատել այսպիսի տաղանդավոր թիմի հետ,- հայտնել է Պելեգրինին:
Ավելացնենք, որ Պելեգրինին աշխատել է նաև «Ռիվեր Փլեյթում», «Վիլյառեալում», «Ռեալում» և «Մալագայում»: Մանուելը հաղթել է Էկվադորի և Արգենտինայի առաջնություններում, դարձել է Չիլիի գավաթակիր և հաղթել է Ինտերտոտոյի գավաթը:
