«Լիվերպուլը» պաշտոնապես հայտնել է «Միլանի» հարձակվող Մարիո Բալոտելլիին ձեռք բերելու մասին: Գործարքի արժեքը գնահատվում է 16 մլն ֆունտ:
24-ամյա Բալոտելլիի միջոցով «կարմիրների» գլխավոր մարզիչ Բրենդան Ռոջերսը ցանկանում է փոխարինել «Բարսելոնա» տեղափոխված Լուիս Սուարեսին:
Հատկանշական է, որ այս գործարքը «Լիվերպուլը» հաստատեց «Մանչեսթեր Սիթիի» դեմ խաղից առաջ, որտեղ Մարիոն խաղում էր Ա Սերիա տեղափոխվելուց առաջ: Սակայն Բալոտելլին իր նախկին և ներկա ակումբների խաղին կհետևի որպես հանդիսատես:
-Ես շատ ուրախ եմ: «Լիվերպուլն» Անգլիայի ուժեղագույն ակումբներից մեկն է: Հենց դրա համար էլ ես այստեղ եմ,- «կարմիրների» պաշտոնական կայքին հայտնել է Բալոտելլին:
