Երեքշաբթի երեկոյան «Մանչեսթեր Սիթին» Չեմպիոնների լիգայի քառորդ եզրափակչի առաջին խաղը կանցկացնի սեփական հարկի տակ «Բավարիայի» հետ։
Հատկանշական է, որ «Սիթիի» մարզիչ Խոսեպ Գվարդիոլան «Բավարիան» մարզել է 2013-ից 2016 թվականներին։ Այս ընթացքում նա երեք անգամ հաղթեց Բունդեսլիգան, սակայն Չեմպիոնների լիգան սանձահարել չհաջողվեց, ինչպես դեռ չի կարողացել անել «քաղաքացիների» հետ։
Մեկ այլ հետաքրքիր նրբությունն այն է, որ վերջերս Թոմաս Տուխելը սկսել է գլխավորել «Բավարիան», ով Չեմպիոնների լիգայի 2021 թվականի խաղարկության եզրափակչում «Չելսիի» հետ միասին 1:0 հաշվով հաղթանակ տարավ Գվարդիոլայի «Սիթիի» նկատմամբ:
«Ես տխուր էի, բայց ես շնորհավորեցի նրան և «Չելսիին» այդ հաղթանակի կապակցությամբ»:
«Ես վերանայեցի այդ խաղը մեկ ամիս առաջ և մտածեցի, որ դա այնքան էլ վատ չէր: Դա ծանր խաղ էր, և մոտավորապես այդպես էր «Չելսին» միշտ խաղում այդ ժամանակահատվածում»:
«Մենք մոռացել ենք այդ մասին և նորից կփորձենք»,- ասել է Գվարդիոլան մամուլի ասուլիսի ժամանակ։
Սա կլինի «Սիթի» – «Բավարիա» յոթերորդ հանդիպումը եվրոպական մրցաշարերում: Առաջին վեցում կողմերից յուրաքանչյուրը երեքական հաղթանակ է տարել։
«Սիթին» հաղթել է «Բավարիայի» դեմ Չեմպիոնների լիգայի վերջին երկու հանդիպումներում էլ, սակայն պարտվել է 2013 թվականի հոկտեմբերին (1:3):
«Բավարիան» անգլիական թիմերի դեմ Չեմպիոնների լիգայի վերջին 10 արտագնա խաղերից միայն երկուսում է պարտվել (6 հաղթանակ, 2 ոչ-ոքի):
«Սիթին» Չեմպիոնների լիգայում գերմանական թիմերի հետ տնային վերջին 10 հանդիպումներում հաղթել է ընդհանուր 39:10 հաշվով:
Խոսեպ Գվարդիոլան հաղթել է Չեմպիոնների լիգայի փլեյ-օֆֆի իր խաղերի 54%-ում որպես մարզիչ (72-ից 39-ը), լավագույնը բոլոր մարզիչներից (30+ հանդիպում):
Սա կլինի Գվարդիոլայի չորրորդ հանդիպումը Թոմաս Տուխելի հետ գավաթային մրցաշարերում, և Խոսեպը պարտվել է նախորդ երեքից երկուսում և այդպես էլ չի կարողացել տեսնել իր թիմի խփած գնդակը:
«Սիթիի» հարձակվող Էրլինգ Հոլանդը Չեմպիոնների լիգայի իր վերջին վեց խաղերում 10 գոլ է խփել:
«Բավարիայի» կիսապաշտպան Լեոն Գորեցկան Չեմպիոնների լիգայի ընթացիկ մրցաշրջանում վեց գոլի է մասնակցել (2+4)՝ ամենաշատն իր թիմում:
Էրլինգ Հալանդը «Բավարիայի» դեմ յոթ խաղում խփել է հինգ գոլ (բոլորը Դորտմունդի «Բորուսիայի» կազմում):
«Բավարիայի» հարձակվող Թոմաս Մյուլերը կարող է դառնալ երրորդ խաղացողը Կրիշտիանու Ռոնալդուից (115) և Իկեր Կասիլյասից (101) հետո, ով կարող է հասնել Չեմպիոնների լիգայում 100 հաղթանակի:
«Սիթիի» կիսապաշտպան Ֆիլ Ֆոդենը շարունակում է ապաքինվել կույրաղիքի վիրահատությունից հետո։
Չեմպիոնների լիգա. 1/4 եզրափակիչ
«Մանչեսթեր Սիթի» (Անգլիա) – «Բավարիա» (Գերմանիա)
Էթիհադ մարզադաշտ՝ 23:00
